التعليقات
عثمان قراقع عثمان قراقع

سلامات محمود كيفك,
لما يتم فتح قضية من قبل المشتري سواء كانت المشكلة عدم استلام المنتج او المنتج مش نفس الوصف او المنتج وصل مكسور يجب حل المشكلة بشكل ودي بينك وبين المشتري بالفترة الي حاطها الك ال eBay, في حال ما تم حل المشكلة بالفترة المقدرة ال eBay بدخل بالموضوع وبراجع جميع مجريات القضية وبحكم على اساسها اما اغلاق القضية لصالح المشتري او استئنافها لصالحك, لذلك الافضل الحل بينك وبين المشتري دون تدخل ال eBay

samer alkurdi samer alkurdi

اهلا محمود , اذا مبين معك تتبع المنتج وين وصل بامكانك اخذ سكرين شوت ورفعها للايباي داخل القضيه , في حال ما بدعم رقم التتبع هيك رح تخسر القضيه وتتسكر لصالح المشتري والايباي يرجع المصاري للمشتري. وهاد الاشي غير مفضل.

محمود عبدالله ارشود رضوان محمود عبدالله ارشود رضوان

تمام البريد الاردني فيش عليه تتبع نهائيا يعني لو كل المشترين يفتحو ضدي قضايا بربحوها يعني وضع البريد بغزي المهم انا قصدي انه من نفس القضيه من الخيارات اخترت تغير رقم التتبع وغيرة الشركه من jordan post  لا Usps انا سوالي الان هل القضيه بضلها شغاله ولا بتتسكر لانه ضفت تتبع جديد

محمود عبدالله ارشود رضوان محمود عبدالله ارشود رضوان

استاز سامر مع مين بتشحن مع البريد الاردني او شركه ثانيه

عثمان قراقع عثمان قراقع

سلامات محمود، لا بتم اغلاق القضية، انتا ضفت معلومات بعدين اما ال ايبي بسكرها لصالحك او لصالح المشتري حاول تواصل مع المشتري من داخل القضية وخليه يستنى شوي وقت

samer alkurdi samer alkurdi

الشحن من خلال البريد الاردني ، بعض الدول لا يدعم تتبع لكن مقارنه باسعار شركات الشحن الاخرى ممتاز ،  وقليل اواجه مشاكل بعدم استلام المنتج.

محمود عبدالله ارشود رضوان محمود عبدالله ارشود رضوان

خلص رجعت المبلغ للمشتري لاني عارف شو ماعدلت هاذ وضع البريد يعني هسع ولا بعدين راح ايتم تسكير القضيه لصالح المشتري فارجعتله احسن ما يصير دفكت بالحساب. وانا متاكد ميه بالميه انه المشتري استلم المغلف ولكن هاذ وضع التتبع

محمود عبدالله ارشود رضوان محمود عبدالله ارشود رضوان

والله استاذ سامر تقريبا هاي القضيه الرابعه بعدم استلام المنتج صراحه بريد بحطم النفسيه

samer alkurdi samer alkurdi

محمود شو طبيعه الخدمه اللي تشحن فيها !

محمود عبدالله ارشود رضوان محمود عبدالله ارشود رضوان

رزم صغيره مسجله بغير اولويه

لإضافة تعليق أو المزيد من الأسئلة والأجوبة قم بإنشاء حساب أو قم بتسجيل الدخول بإحدى وسائل التواصل الإجتماعي

إنشاء حساب