ايش اختار عشان الزبون يرجع المنتج هو من غير ما اشتري لبيل ؟

اخ ابراهيم , انك تشتري ليبل معناتها انك انتا رح تدفع رسوم الارجاع بس انتبه انو اذا ما في سبب مرتبط بتقصير البائع للارجاع , يعني وصف المنتج مطابق وكل شي تمام فالمشتري اذا بدو يرجع المنتج على حسابو وانتا ممنوع تعملو ارجاع للمصاري refund قبل وصول المنتج بئيدك, والمشتري اجباري لازم يزود سيستم القضية برقم تتبع للشحنة ويكون valid وغير هيك ايباي ما بعترفو بترجيع البائع وبكونو لطرفك ,,,,, هاي ملاحظة مني وبتمنى من  الزملاء في الاكاديمية يوضحولك الالية كيف تتعامل مع ارجاع المنتج خصوصا المنتج تم شحنه من  اوكرانيا حسب ما فحصت وانتا اخ ابراهيم وضح اذا السبب للارجاع هو انتا ولا سبب شخصي بخص المشتري لانو بعتد الجواب على هادا الشي.

تمام بس ايش اختار عشان الزبون يشحن المنتج وبعدين بدفعله حق لبيل ؟

اخ ابراهيم بفهم من كلامك انو السبب مقنع من طرف المشتري انو الحق معو في الترجيع صح، في هاي الحالة اذا كان هيك بتطلب منه يسأل مركز البريد عنده عن تكلفة الشحن ويكون شحن ستاندرد مش السريع عشان ما تكون الرسوم عالية وبرقم تتبع دولي وتكون منطقية رسوم الشحن بتدفعله من خلال باي بال عشان يشحن الطرد ويدخل هوه رقم التتبع ضمن القضية اللي انفتحت وطبعا بتختار الخيار الثالث بالصورة انو اتفقت مع المشتري على آلية الإرسال ودفعتله وبجميع الأحوال تواصل مع المشتري ورتب معاه بينك وبينو مع اختيار الخيار الثالث ولاكن بتختار بعد ما تتفق مع المشتري على الالية للدفع له بخصوص تكلفة الشحن وعنوانك.((الأفضل المشتري  يشحن قبل ما بتدفعله ويفرجيك فاتورة الشحن بتدفعله بس ممكن يرفض بدو دفع مسبق قبل الشحن فعادي حوله قبل)) تنساش ما تكبس الخيار الثالث قبل الاتفاق مع المشتري.

اخ ابرهيم الك ولجميع الطلاب يوجد شرح مفصل من الاستاذ عصام لجميع مشاكل القضايا ضمن دورة أسرار البيع الأمن والصحيح. والخطوة الأولى للنجاح هي مشاهدة الدورات وتم الان جمع الدورات وترتيبها بشكل مرتب وسلس ويجب مشاهدتها وبتختصر الكثير من الوقت وتجنب الأخطاء القاتلة. بالتوفيق

طيب في طريقة اشتري من ups لبيل وابعته للزبون ؟؟

اكيد لا اخ ابراهيم فش عنا احنا بالاردن ولا فلسطين طريقة تشتري ليبل مدفوعة وجاهزة ويشحن بناءا عليها, تخص اتوقع سكان امريكا